माय अहमदनगर वेब टीम
पुणे : एल-निनोचे रुपांतर आता ला-निनामध्ये होत आहे. यामुळे पाऊस सामान्य होईल. दक्षिण, पश्चिम आणि उत्तर-पश्चिम भागांत चांगला पाऊस असणार आहे. महाराष्ट्र, मध्य प्रदेशात जोरदार पाऊस असणार आहे.
मागील वर्षी देशातील अनेक भागांत सामान्य पेक्षा कमी पाऊस झाला होता. या कमी पावसाचा परिणामामुळे अनेक भागांत दुष्काळ निर्माण झाला होता. खरीप पिकानंतर रब्बी पिकांवर पावसाचा परिणाम झाला होता. आता यंदा मात्र सामान्य पाऊस होणार आहे. आशिया-पॅसिफिक इकॉनॉमिक को-ऑपरेशनच्या (अपेक) या संस्थेने काही दिवसांपूर्वी वर्तवलेल्या अंदाजानंतर स्कायमेटचा अंदाज आला आहे. देशभरात यंदाचा मान्सून सामान्य असणार असल्याचे स्कायमेटने म्हटले आहे. यापूर्वी 12 जानवेरी 2024 रोजी स्कायमेटने सामान्य पावसाचा अंदाज वर्तवला होता.
‘ला-निना’ची परिस्थिती
मागील वर्षी पावसावर ‘एल-निनो’चा परिणाम होता. परंतु आता प्रशांत महासागरातील ‘एल-निनो’ची परिस्थिती निवळली आहे. आता ‘ला-निना’ची परिस्थिती निर्माण होत असल्याचे संकेत मिळाले आहेत. ला-निनाची परिस्थिती असल्यास पाऊस चांगला होतो. जुलै ते सप्टेंबर या कालावधीमध्ये भारतात सरासरीपेक्षा अधिक पाऊस पडण्याचा अंदाज आशिया-पॅसिफिक इकॉनॉमिक को-ऑपरेशनच्या (अपेक) हवामान केंद्राने वर्तविला आहे.
स्कायमेटचा अंदाज सामान्य पाऊस
देशभरात यंदाचा मान्सून सामान्य असणार आहे, असे स्कायमेटने म्हटले आहे. स्कायमेट या खासगी हवामान संस्थेचा हा दुसरा अंदाज आहे. त्यात स्कायमेटने म्हटले आहे की, सुरुवातीला मान्सूनचा प्रभाव कमी असणार आहे. परंतु एकंदरीत जून ते सप्टेंबर या चार महिन्यांत मान्सून असणार आहे. ऑगस्ट आणि सप्टेंबर या दोन महिन्यांत दक्षिण भारतासह मध्य भारतात मान्सून जास्त प्रभावी राहणार आहे.
Post a Comment