माय अहमदनगर वेब टीम
मुंबईः औरंगाबादचे संभाजीनगर करण्याच्या मुद्द्यावर शिवसेना व काँग्रेस नेत्यांमध्ये कलगीतुरा रंगला आहे. खासदार संजय राऊत यांनी काँग्रेसवर केलेल्या टीकेला काँग्रेसचे प्रदेशाध्यक्ष बाळासाहेब थोरात यांनी एक खरमरीत पत्र लिहीत प्रत्युत्तर दिलं आहे. त्यानंतर महाराष्ट्र काँग्रेसच्या कार्याध्यक्ष आणि महिला व बालविकास मंत्री यशोमती ठाकूर यांनीही एक ट्विट करत शिवसेनेला आव्हान दिलं आहे.
सामनातील एका लेखात शिवसेना खासदार संजय राऊत यांनी काँग्रेसवर निशाणा साधला होता. औरंगजेबाचा सरळ संबंध छत्रपती संभाजीराजांच्या वधाशी जोडला गेला आहे. असा औरंगजेब कुणाला प्रिय असेल तर त्यांना कोपरापासून साष्टांग दंडवत! हे वागणं सेक्युलर नव्हे, अशी टीका संजय राऊतांनी केली होती. संजय राऊतांच्या या टीकेवर यशोमती ठाकूर यांनी काँग्रेसला सेक्युलरीजम शिकवण्याची गरज नाही, अशा शब्दात शिवसेनेला ठणकावलं आहे.
Post a Comment