इच्छुक जास्त असल्याने निवड समितीला करावी लागणार कसरत
माय अहमदनगर वेब टीम
अहमदनगर : महाराष्ट्र प्रदेश युवक काँग्रेसच्या सूचनेनुसार अहमदनगर जिल्हा अध्यक्ष पदासाठी तब्बल १६ इच्छुकांनी प्रत्यक्ष मुलाखत दिली असल्याने अध्यक्ष पदासाठी चांगलीच चुरस निर्माण झाली असल्याने निवड समितीला चांगलीच कसरत करावी लागणार आहे.
विधानसभा निवडणुकीच्या आधीपासून रिक्त असलेल्या, युवक काँग्रेसच्या अहमदनगर जिल्हाध्यक्ष पदाच्या मुलाखती कलिका प्राइड, लालटाकी येथील कार्यालयात आयोजित करण्यात आली होती. निरीक्षक म्हणून निवड समिती सदस्य व प्रदेश युवक काँग्रेसचे सरचिटणीस सुमित भोसले, अभय देशमुख यांच्या उपस्थिती मध्ये पार पडल्या. यावेळी काँग्रेस शहर जिल्हाध्यक्ष दीप चव्हाण, जिल्हा युवक कार्याध्यक्ष सोमेश्वर दिवटे, युवक काँग्रेसचे शहराध्यक्ष मयूर पाटोळे, मुबीन शेख,योगेश काळे, हारून इनामदार, फिरोज शेख, चंद्रकांत क्षीरसागर आदींनी त्यांचे स्वागत केले.
जिल्हाध्यक्ष पदासाठी स्मितल वाबळे (श्रीगोंदा), ऋषिकेश मुळे (कर्जत), शरद निरंजन पवार (श्रीरामपूर), मोहसीन शेख (नगर शहर), राजू बोरुडे (राहुरी), संदीप दरंदले (नेवासा), प्रसाद शेळके (शिर्डी), श्रीकांत दंडवते (राहाता), राहुल उगले (जामखेड), सचिन रणदिवे( श्रीरामपूर ) सिद्धेश खिलारी (पारनेर), मंगल भुजबळ (नगर शहर), कृष्णा शेळके (कर्जत), तुषार पोटे (कोपरगाव), संचित गिरमे (श्रीरामपूर),ऍड अक्षय कुलट (नगर तालुका) यांच्यासह इतर दहा ते बारा इच्छुकांनी निरीक्षकांशी संपर्क करून इच्छा व्यक्त केली असल्याने अध्यक्ष निवडतांना चांगलीच कसरत करावी लागणार आहे.
दरम्यान निवड समिती सदस्य हे राज्याचे महसूल मंत्री ना.बाळासाहेब थोरात, आ डॉ सुधीर तांबे, आ.लहू कानडे यांची भेट घेणार असून स्थानिक नेत्यांशी इच्छुकांबाबत चर्चा करून अध्यक्ष पदा बाबतचा सविस्तर अहवाल प्रदेश अध्यक्ष सत्यजीत तांबे यांना सादर करणार असल्याने तूर्तास इच्छुकांची निवड प्रदेश कार्यालया मार्फत घोषित होईल असे निरीक्षक सुमित भोसले (सोलापूर) यांनी सांगितले.
Post a Comment