माय अहमदनगर वेब टीम
अहमदनगर - नगर शहरासह बाहेरील महामार्गाचे सुरू झालेले काम नियोजित वेळेत पूर्ण करावेत. या रस्त्याच्या कामामुळे जनतेची मोठी समस्या दूर होणार असून अहमदनगर शहर खड्डेमुक्त करूनच नविन वर्षात पदार्पण करण्याचा निर्धार खा.डाॅ.सुजय विखे यांनी व्यक्त केला.
अहमदनगर - मनमाड राष्ट्रीय महामार्गावरील बोलहेगाव फाटा व शिंगवे नाईक नगर शहरातील निलक्रांती चौक, अहमदनगर - पुणे बाह्यवळण रस्ता व इतर रस्ते दुरुस्तीची पाहणी खा.डाॅ.सुजय विखे पाटील यांनी स्थानिक नगरसेवक अधिकारी यांच्या समवेत करून सुरू असलेल्या रस्त्यांच्या कामाचा आढावा घेतला. अनेक वर्षांपासून प्रलंबित असलेल्या या रस्त्यांच्या कामामुळे जनतेला मोठ्या समस्यांना सामोरे जावे लागत होते.अपघातांची संख्या वाढली होती.रस्त्यांची काम तातडीने सुरू व्हावीत यासाठी खा.डाॅ.विखे यांनी विधानसभा निवडणुकीची अचारसंहीता संपताच सार्वजनिक बांधकाम विभागाच्या अधिकार्याची बैठक घेवून रस्त्याची काम तातडीने सुरू करण्याच्या सूचना दिल्या होत्या.
रस्त्यांची ही विकासकामे जलदगतीने पूर्ण करतानाच या कामातील सर्व अडथळे दूर व्हावेत म्हणून संसदेत तसेच संबधित विभागाच्या मंत्र्याकडे पाठपुरावा करून डाॅ.विखे यांनी या कामाला गती दिली आहे.
रस्त्यांच्या कामाचे आश्वासन आपण नागरीकांना दिले होते. त्याची पूर्तता होत असल्याचे समाधान व्यक्त करतानाच, नव्या वर्षात पदार्पण करताना सर्वांच्या सहकार्याने अहमदनगर खड्डे मुक्त करण्याची संकल्पना यशस्वी होणार असा विश्वास त्यांनी व्यक्त केला. सुरू असलेल्या कामाची पाहाणीषकरून येणारे अडथळे दूर करण्याची सूचना त्यांनी अधिकार्याना दिल्या.या कामाच्या पार्श्वभूमीवर विविध भागातील नागरीकांनी व अनेक कार्यकर्त्यांनी विविध कामांसाठी दिलेली निवेदन स्वीकारून त्यावरील कार्यवाही करण्याचे आश्वासन खा.विखे यांनी दिले.
याप्रसंगी कार्यकारी अभियंता सुरेश राऊत, सार्वजनिक बांधकाम विभागाचे उपविभागीय अभियंता एस. जी. गायकवाड, कनिष्ठ अभियंता ए. ए. भांगे, उपअभियंता राजभोज, कार्यकारी अभियंता ए. बी. चव्हाण, उपअभियंता एम. एस. कजबे, नगरसेवक निलेश भागरे, डॉ. सुरेश बोरुडे, दत्ता सप्रे, धनंजय जाधव, अमोल लगड व शिंगवे नाईक येथील ग्रामस्थ उपस्थित होते.
Post a Comment