मैत्रिणीची अवस्था पाहून सिने अभिनेत्री ढसाढसा रडल्या ; आता तो पर्यंत उपोषण सुरुच ठेवणार


माय नगर वेब टीम 

अहमदनगर : सिने अभिनेत्री दीपाली सय्यद यांनी नगर-श्रीगोंदा तालुक्यातील 35 गावांमधील पाणी प्रश्न सोडवण्यासाठी शुक्रवार पासून जिल्हा परिषद च्या आवारात आमरण उपोषण सुरू केले आहे. उपोषणाच्या दुसऱ्या दिवशी अभिनेत्री मानसी नाईक, सीमा कदम, श्वेता परदेशी आणि सायली पराडकर यांनी पाठिंबा दिला आहे. दीपाली सय्यद यांनी गेल्या दीड महिन्यापासून योजनेसाठीचा लढा उभारला आहे. यासाठी तिने लाभधारक गावात जावून योजनेची जनजागृती केली आहे. तसेच ज्येष्ठ समाजसेवक अण्णा हजारे यांचेही त्यांनी आशीर्वाद घेतले आहेत. जो पर्यंत साकळाई योजनेला मंजुरी मिळत नाही तो पर्यंत आमरण उपोषण सुरुच ठेवणार असल्याचं दीपाली सय्यद यांनी सांगितले आहे. अद्याप सरकारकडून कोणतीही सकारात्मक पाऊल उचललेलं नाहीत.

पाणी प्रश्नासाठी उपोषण


अहमदनगर जिल्ह्यातील साकळाई उपसा जलसिंचन योजनेसाठी दीपाली सय्यदचं आमरण उपोषण सुरु आहे. नगर आणि श्रीगोंदा तालुक्यातील 35 गावांच्या पाण्याचा प्रश्न साकळाई योजनेतून सुटणार आहे. गेल्या 20 वर्षांपासून हा प्रश्न प्रलंबित असून नुकत्याच झालेल्या लोकसभा निवडणुकीत मुख्यमंत्री देवेंद्र फडणवीस यांनी ही योजना मंजूर करण्याचं आश्वासन दिलं होतं. मात्र अद्यापही या आश्वासनाची पूर्तता न झाल्याने जिल्हा परिषदेच्या प्रांगणात दीपालीने उपोषण सुरु केलं आहे. जो पर्यंत साकळाई योजनेला मंजुरी मिळत नाही तो पर्यंत आमरण उपोषण सुरु ठेवणार असल्याचं दीपाली सय्यदने सांगितलं.

पाण्यासाठी भीक मागण्याची वेळ
सिने अभिनेत्री दीपाली सय्यद आणि मानसी नाईक या खूप जवळच्या मैत्रिणी असल्याने उपोषणस्थळी दाखल होताच, दीपालीची परिस्थिती पाहून मानसी भावूक झाली. दिपालीच्या गळ्यात पडून मानसीने अश्रूंना वाट मोकळी करुन दिली. पाण्यासाठी सरकारकडे भीक मागण्याची वेळ यावी, यापेक्षा दुर्दैवी गोष्ट नाही, अशी खंत मानसी नाईकने व्यक्त केली. 


ते सेल्फीत मग्न

दरम्यान काही लोक सेल्फी काढण्यात आणि सोशल मीडियावर संदेश देण्यात व्यस्त असल्याने नागरिकांच्या मागण्यांकडे दुर्लक्ष होत आहे असा टोलाही मानसी नाईकने जलसपदामंत्री गिरीश महाजन यांना लगावला.

0/प्रतिक्रिया द्या

Previous Post Next Post