माय नगर वेब टीम
अहमदनगर -
जिल्हा परिषदेचे मुख्य कार्यकारी अधिकारी विश्वजीत माने यांच्या संदर्भातला अविश्वास ठराव आज सर्वसाधारण सभेमध्ये मंजूर करण्यात आला. सर्व गटनेत्यांनी माने यांच्या कारभाराबद्दल आक्षेप घेत त्यांच्यावर टीका केली आहे. 73 विरुद्ध झिरो मतांनी ठराव मंजूर करण्यात आला. तत्पूर्वी माने यांना सक्तीच्या रजेवर जाण्याचा आदेश देण्यात आले असल्यामुळे ते उपस्थित नव्हते.
जिल्हा परिषदेच्या अध्यक्ष शालिनीताई विखे यांच्या उपस्थितीत आज विशेष सभा पार पडली. यावेळी उपाध्यक्ष राज्यश्री घुले, सभापती अनुराधा नागवडे, उमेश परहर, अजय फटांगरे, अतिरिक्त मुख्य कार्यकारी अधिकारी जगन्नाथ भोर आदी उपस्थित होते.
गेल्या आठवड्यामध्ये जिल्हा परिषदेची सर्वसाधारण सभा झाली होती. या सभेमध्ये माजी सैनिकांच्या पत्नीच्या बदलीचा विषय चांगलाच गाजला होता सत्ताधारी विरुद्ध प्रशासन असा संघर्ष या वेळेला मोठ्या प्रमाणावर उभा ठाकला होता. या बदली प्रकरणावरून चांगलाच वादंग निर्माण झाल्याने अखेरीस जिल्हा परिषद अध्यक्ष शालिनीताई विखे यांनी सभात्याग करण्याचा निर्णय घेतला होता व त्यानंतर त्यांनी घेतलेल्या निर्णयानंतर सभागृहातील सर्व सदस्यांनी त्यांच्या भूमिकेला पाठिंबा दिला होता व त्यांनी सुद्धा सभा त्याग केला होता.
यानंतर अध्यक्ष शालिनीताई विखे यांनी माने यांच्यावर अविश्वास ठराव आणणार असून त्यासाठी विशेष सभा बोलणार असल्याचे सांगितले होते. त्यानुसार आज दिनांक आठ जुलै रोजी अविश्वास ठराव संदर्भातली सभा आयोजित केली होती. आज सर्वसाधारण सभेत अविश्वास ठराव एकमताने संमत करण्यात आला.
आजच्या सर्वसाधारण सभेमध्ये शिवसेनेचे गटनेते अनिल काळे यांनी अविश्वासाचा ठराव दाखल करून माने यांनी मनमानी पद्धतीने कारभार केला. सदस्यांची त्यांनी कधीही व्यवस्थित बोलले नाही त्यांची कामाची पद्धत वेगळी होती त्यामुळे त्यांच्या कामाचा विकासावर मोठा परिणाम झालेला आहे. सदस्यांचा अपमान त्यांनी केलेला आहे अमृत यांच्यावर अविश्वास ठराव दाखल करावा, अशी मागणी करून सभागृहांमध्ये ठराव दाखल केला सर्वांनी राष्ट्रवादी काँग्रेसचे गटनेते कैलास वाकचौरे, क्रांतिकारी शेतकरी संघटनाचे सुनिल गडाख, हर्षदा काकडे, अनिल कराळे, जालिंदर वाकचौरे या सदस्यांनी ठरावास पाठिंबा दिला.
Post a Comment