आयपीएलनंतर आता महिला प्रीमियर लीगचा लिलाव; जाणून घ्या, कधी अन् कुठे होणार आयोजन..

माय नगर वेब टीम 

Women’s Premier League 2025 Auction : महिला प्रीमियर लीग 2025 च्या लिलावासंदर्भात महत्त्वाची बातमी समोर आली आहे. एका रिपोर्टनुसार, 15 डिसेंबरला बंगळुरूमध्ये याचे आयोजन केले जाऊ शकते. नुकताच IPL 2025 चा मेगा लिलाव जेद्दाह, सौदी अरेबिया येथे पार पडला. मात्र महिला प्रीमियर लीगचा लिलाव हा भारतातच आयोजित केला जाणार आहे. सर्व डब्ल्यूपीएल (WPL) संघांनी खेळाडूंची कायम ठेवलेली यादी आधीच जाहीर केली आहे.

इंडिया टुडे आणि ईएसपीएनक्रिकइन्फोच्या बातमीनुसार, 15 डिसेंबरला बेंगळुरूमध्ये महिला प्रीमियर लीगचा लिलाव आयोजित केला जाऊ शकतो. मात्र, याबाबत अधिकृत माहिती अद्याप समोर आलेली नाही. लिलावात सर्वाधिक पैसा गुजरात जायंट्सकडे आहे. त्यांच्याकडे सध्या 4.40 कोटी रुपये उपलब्ध आहेत. दिल्ली कॅपिटल्सकडे सर्वात कमी पैसा आहे. त्यांच्याकडे 2.50 कोटी रुपये आहेत. तसेच यूपी वॉरियर्सकडे 3.90 कोटी रुपये  तर मुंबईकडे 2.64 कोटी रुपये आहेत.

पाच संघांनी 71 खेळाडूंना ठेवले आहे कायम… 

डब्ल्यूपीएलच्या पाचही संघांनी कायम राखलेली यादी जाहीर केली आहे. आता लिलावात 19 खेळाडूंसाठी जागा उपलब्ध आहे. यात विदेशी खेळाडूंसाठी 5 स्लॉट आहेत. महिला प्रीमियर लीगच्या लिलावात 19 खेळाडूंवर 16.7 कोटी रुपये खर्च केले जाणार आहेत. यापूर्वी 58.3 कोटी रुपये रिटेनशनसाठी खर्च करण्यात आले होते. डब्ल्यूपीएलच्या पाच संघांनी एकूण 71 खेळाडूंना कायम ठेवले आहे.

महिला प्रीमियर लीग 2025 साठी राखून ठेवलेल्या खेळाडूंची यादी…

1. दिल्ली कॅपिटल्स : ॲलिस कॅप्सी, ॲनाबेल सदरलँड, अरुंधती रेड्डी, जेमिमाह रॉड्रिग्ज, जेस जोनासेन, मारिजने कॅप, मेग लॅनिंग, मिन्नू मणी, राधा यादव, शफाली वर्मा, शिखा पांडे, स्नेहा दीप्ती, तानिया भाटिया, तितास साधू.

2. गुजरात जायंट्स : ॲशले गार्डनर, बेथ मुनी, भारती फुलमाली, दयालन हेमलता, हरलीन देओल, काश्वी गौतम, लॉरा वोल्वार्ड, मन्नत कश्यप, मेघना सिंग, फोबी लिचफिल्ड, प्रिया मिश्रा, सायली सातघरे, शबनम शकील आणि तनुजा कंवर.

3. मुंबई इंडियन्स : अमनदीप कौर, अमनजोत कौर, अमेलिया केर, क्लो ट्रायॉन, हरमनप्रीत कौर, हेली मॅथ्यूज, जिंतीमनी कलिता, कीर्तन बालकृष्णन, नताली स्कायव्हर, पूजा वस्त्राकर, सजना सजीवन, सायका इशाक, शबनीम इस्माईल आणि यास्तिका भाटिया.

4. रॉयल चॅलेंजर्स बंगळुरू : आशा शोभना, डॅनी व्याट, एकता बिश्त, एलिस पेरी, जॉर्जिया वेरेहम, कनिका आहुजा, केट क्रॉस, रेणुका सिंग, रिचा घोष, एस. मेघना, श्रेयंका पाटील, स्मृती मानधना, सोफी डिव्हाईन आणि सोफी मोलिनक्स.

5. यूपी वॉरियर्स : अलिसा हिली, अंजली सरवानी, चमारी अटापट्टू, दीप्ती शर्मा, गौहर सुलताना, ग्रेस हॅरिस, किरण नवगिरे, पूनम खेमनार, राजेश्वरी गायकवाड, सायमा ठाकोर, श्वेता सेहरावत, सोफी एक्लेस्टोन, ताहलिया मॅकग्रा, उमा छेत्री आणि वृंदा दिनेश.