माय अहमदनगर वेब टीम
नवी दिल्ली : वेटलिफ्टर मीराबाई चानूने आता सलग दुसऱ्यांदा ऑलिम्पिक स्पर्धेत खेळण्याचे आपले स्वप्न पूर्ण केले. तिने आगामी टाेकियाे येथील स्पर्धेतील आपला प्रवेश निश्चित केला आहे. जागतिक क्रमवारीत आठव्या स्थानावर असलेल्या मीराबाईला ऑलिम्पिकचे तिकीट देण्यात आले. आंतरराष्ट्रीय वेटलिफ्टिंग फेडरेशनच्या (आयडब्ल्यूएफ) वतीने गुरुवारी ऑलिम्पिक क्वालिफायरची क्रमवारी जाहीर करण्यात आली. यातूनच मीराबाईला आठव्या स्थानासह ऑलिम्पिक मधील प्रवेशाची संधी मिळाली आहे. ती ४९ किलाे वजन गटाच्या क्रमवारीत आठव्या स्थानावर आहे. यातील टाॅप-४ खेळाडूंमध्ये चीनचे तीन आहेत. नियमानुसार एका देशाच्या एकाच खेळाडूला एका वजन गटात सहभागी हाेणे बंधनकारक आहे. अशात मीराबाईला आघाडी घेता आली.
यंदाच्या सत्रातील एप्रिल महिन्यात एशियन चॅम्पियनशिप हाेणार आहे. या स्पर्धेतील सहभागाने मीराबाईचा ऑलिम्पिकचा प्रवेश निश्चित हाेईल, अशी माहिती भारतीय संघाचे मुख्य प्रशिक्षक विजय शर्मा यांनी दिली.
Post a Comment