माय नगर वेब टीम
मुंबई - रिलायन्स जिओने सप्टेंबर २०१९ मध्ये महाराष्ट्र परीमंडळात (मुंबई वगळता) ग्राहकांची भर पडली आहे. टेलिकॉम रेग्युलेटरी अथॉरिटी ऑफ इंडियाने (ट्राय) ताज्या सबस्क्रिप्शन अहवालानुसार, जिओने सप्टेंबर २०१९ मध्ये ७.२७ लाख नवीन ग्राहक जोडले, मात्र जिओ वगळता इतर सर्व ऑपरेटरनी आपले ग्राहक गमावले आहेत. अहवालात म्हटले आहे की, व्होडाफोन आयडिया, भारती एअरटेल आणि बीएसएनएल यांनी एकत्रित महिन्यात ४.२१ लाख वापरकर्ते गमावले आहेत. जिओमुळे, सर्व टेलिकॉम ऑपरेटरच्या वापरकर्त्यांची निव्वळ संख्या ३.०५ लाखांवर वाढली आहे.
टेलिकॉम ऑपरेटर, व्होडाफोन आयडियाने सप्टेंबर २०१९ मध्ये २.९७ लाख वापरकर्त्यांचा तोटा केला. मागील महिन्याच्या सबस्क्रिप्शन बेसच्या तुलनेत ४.३२ लाख वापरकर्त्यांचे नुकसान झाले आहे. त्याचप्रमाणे बीएसएनएल आणि एअरटेलने अनुक्रमे ७५००० आणि ५०००० पेक्षा कमी वापरकर्ते गमावले
राष्ट्रीय पातळीवरही, व्होडाफोन आयडिया आणि भारती एअरटेलने सप्टेंबरमध्ये ४९ लाख ग्राहक गमावले, तर रिलायन्स जिओने आपल्या नेटवर्कमध्ये ६९.८३ लाख नवीन वापरकर्त्यांना जोडले, अशी माहिती नियामक ट्रायने दिली आहे.
टेलिकॉम रेग्युलेटरी अथॉरिटी ऑफ इंडियाने (ट्राय) म्हटले आहे की सप्टेंबर २०१९ अखेर एकूण वायरलेस ग्राहक (जीएसएम, सीडीएमए आणि एलटीई) १११.३७ कोटी झाले आहेत. ऑगस्टच्या अखेरीस ते ११७.०१ कोटी होते.
सप्टेंबरअखेर शहरी भागातील वायरलेस सबस्क्रिप्शन घटून ६५.९१ कोटींवर आली आहे, तर ग्रामीण भागात ती वाढून ५१.४५ कोटी झाली आहे. आकडेवारीनुसार, भारती एअरटेलने सप्टेंबरमध्ये २३.०८ लाख वापरकर्ते गमावले असून त्याचा एकूण उपयोगकर्ते ३२.५५ कोटींवर पोचले आहेत. त्याचप्रमाणे, महिन्यात व्होडाफोन आयडियाने २५.७ लाख वापरकर्ते गमावले आणि त्याचा एकूण वापरकर्ता आधार ३७.२४ कोटींवर गेला.
तथापि, रिलायन्स जिओने सप्टेंबरमध्ये ६९.८३ लाख वापरकर्ते जोडले आणि त्यांचा एकूण वापर बेस ३५.५२ कोटींवर नेला. ३० सप्टेंबर, २०१९ पर्यंत व्होडाफोन आयडियाचा बाजार हिस्सा ३१.७३%, रिलायन्स जिओचा ३०.२६% आणि भारती एअरटेलचा २७.७४% होता.
सार्वजनिक क्षेत्रातील एमटीएनएलने ८७१७ वापरकर्ते बाहेर पडले आहेत, तर बीएसएनएलने ७.३७ लाख लोकांना जोडले असून त्याचा एकूण वापरकर्ते ११.६९ कोटींवर पोहोचला आहे.
Post a Comment