राजकारणाची डे-नाइट कसोटी

माय नगर वेब टीम
मुंबई - शुक्रवारी महाराष्ट्रातील राजकीय नाट्य थांबले तेव्हा वाटले की आता शिवसेना, राष्ट्रवादी आणि काँग्रेस एकत्र येत सरकार बनवतील. मात्र, रात्रीतच सर्व समीकरणे बदलली. कसे ते वाचा-
शुक्रवारी रात्री अजितदादांचा भाजपला पाठिंबा, पहाटे राष्ट्रपती राजवट हटवली....
- शुक्रवारी सायं. ७.३० वा : राष्ट्रवादीचे सर्वेसर्वा शरद पवार यांनी उद्धव ठाकरे यांच्या नावावर एकमत झाल्याचे सांगितले.
- अजित पवार शिवसेना नेत्यांसोबत बैठकीत बसले होते. मात्र, रात्री ९ वाजता निघून गेले आणि फोन बंद झाला.
- सायं. ८.३० वा : फडणवीस राजभवनावर पोहोचले. राष्ट्रवादीसोबत सरकारचा दावा केला. रात्री ११ वा. राष्ट्रवादीच्या पाठिंब्याचे पत्र राजभवनात पाेहोचले.
- रात्री ११.३० वा : फडणवीस यांनी पक्षश्रेष्ठींशी चर्चा केली. रात्री १२ वाजता राजभवनातून राष्ट्रपती भवनावर अहवाल पाठवला. राष्ट्रपती भवनातून त्याची माहिती गृह मंत्रालयाला दिली.
- केंद्राने नियम १२ अंतर्गत कॅबिनेटच्या मंजुरीविना राष्ट्रपती राजवट हटवली. कॅबिनेटची मंजुरी नंतर मिळू शकते.
- शनिवारी सकाळी ५.३० वा :राष्ट्रपती रामनाथ कोविंद यांची राष्ट्रपती राजवट हटवण्याच्या घोषणेवर स्वाक्षरी. ती ५.४७ वाजाहीर करण्यात आली.
- सकाळी ६.३० वा :फडणवीस आणि अजित पवार त्यांचे १२ आमदार राजभवनावर पोहोचणे सुरू झाले.
- ७.५० वा :देवेंद्र फडणवीस आणि अजित पवार यांनी पदांची शपथ घेतली.
शनिवारी सकाळी अजितदादा उपमुख्यमंत्री, समर्थक आमदार दिल्लीस रवाना....
- सकाळी ८.१६ वा : पीएम मोदींकडून फडणवीस, अजित पवारांचे अभिनंदन.
- सकाळी ८.२९ वा : सूत्रांची माहिती- अजितदादांसोबत राष्ट्रवादीचे २२ अामदार. काही शिवसेना नेते, आमदारही संपर्कात.
- सकाळी ८.४४ वा : सूत्रांची माहिती : राष्ट्रवादीचे अध्यक्ष शरद पवार फडणवीसांच्या नेतृत्वातील सरकारच्या स्थापनेच्या चर्चेत सहभागी होते.
- सकाळी ८.४५ वा : काँग्रेसचा आरोप : राष्ट्रवादीने पाठीत खंजीर खुपसला.
- ९.११ वा : राष्ट्रवादीचे नेते धनंजय मुंडेही अजित पवारांसोबत.
- ९.१६ वा : प्रफुल्ल पटेल म्हणाले : शरद पवारांचे याच्याशी काही देणे-घेणे नाही.
- ९.२७ वा : शरद पवार म्हणाले : हा राष्ट्रवादीचा निर्णय नाही. अजित पवारांनी पक्षात फूट पाडली.
- १०.१८ वा : शिवसेना आमदार हॉटेल ललितमध्ये चर्चेसाठी जमले.
- १०.३१ वा : काँग्रेसने मुंबईत तातडीची बैठक बोलावली. नंतर काँग्रेसने आमदारांना भाेपाळला हलवण्याचा निर्णय घेतला.
- ३.४८ वा : अजितदादा समर्थक काही आमदार विशेष विमानाने दिल्लीकडेे.
- ७.४५ वा : राष्ट्रवादी विधिमंडळ गटाची बैठक. अजितदादांना पदावरून हटवले.