'साकळाई'साठी 9 आँगस्टपासून अभिनेत्री दिपाली सय्यद यांचे जिल्हा परिषदेच्या दारात आमरण उपोषण


माय नगर वेब टीम

अहमदनगर -

अहमदनगर- नगर -श्रीगोंदा तालुक्यातील 35 गावांसाठी जीवनदायी ठरणारी साकळाई उपसा योजना पूर्णत्त्वास यावी, या मागणीसाठी दि.9 ऑगस्ट रोजी जुन्या जिल्हा परिषद कार्यालयासमोरील पटांगणात अमरण उपोषण करणार असल्याची माहिती अभिनेत्री दिपाली सय्यद यांनी मंगळवारी पत्रकार परिषदेत दिली. या उपोषणात शेतकरी मोठ्या प्रमाणात सहभागी होणार आहेत.


साकळाई देवीचे दर्शन घेऊन व छत्रपती शिवाजी महाराजांच्या पुतळ्यास पुष्पहार अर्पण करून उपोषणास सुरुवात केली जाणार आहे. साकळाई योजनेचे आतापर्यंत निवडणूक लढण्यासाठी उपयोग करून घेतला आहे. खासदार सुजय विखे यांनीही हा मुद्दा निवडणुकीपूर्वी घेतला होता. यापूर्वीच्या तालुक्यातील राजकीय नेत्यांनीही सकाळी योजनेचा मुद्दा फक्त निवडणुकीत काढला परंतु योजना पूर्ण होण्यासाठी पाठपुरावा केला नाही. या योजनेचे पन्नास वर्षापासून राजकारण चालू आहे.
 योजना पूर्ण व्हावी म्हणून आपण मुख्यमंत्री यांना उपोषणा पूर्वी भेटणार आहोत. साकळाई योजनेच्या माध्यमातून नगर व श्रीगोंदा तालुक्यातील गावांना या योजनेच्या माध्यमातून पाणी मिळणार नसेल तर त्यासाठी आम्ही प्रशासनाला पर्याय सुचविणार आहे. जलसंपदा मंत्री गिरीश महाजन म्हणतात हा विषयी मार्गी लागू शकत नाही. परंतु ही योजना होण्यासाठी आपण अखेरपर्यंत लढा देणार असल्याचे सय्यद यांनी सांगितले.

साकळाई योजनेबाबत प्रत्यक्षात कृती केल्याशिवाय उपोषण सुरूच राहणार आहे. या उपोषणात साकळाई योजने अंतर्गत असलेल्या गावातील शेतकरी ही मोठ्या संख्येने उपस्थित राहणार असल्याचे अभिनेत्री सय्यद यांनी सांगितले.

0/प्रतिक्रिया द्या

Previous Post Next Post