माय अहमदनगर वेब टीम
स्पोर्ट डेस्क. इंटरनेशनल क्रिकेट काउंसिल (आयसीसी)ची गुरुवारी व्हिडिओ कॉन्फ्रेंसद्वारे बोर्ड मीटिंग झाली. यात अध्यक्ष पदाच्या निवडीप्रकरणी चर्चा झाली, पण सहमती झाली नाही. आयसीसीने आशा केली आहे की, पुढच्या आठवड्यात होणाऱ्या बैठकीनंतर नामांकन प्रक्रीया सुरू होईल. आयसीसीचे विद्यमान अध्यक्ष शशांक मनोहर यांचा कार्यकाळ मे महिन्यात संपत आहे. त्यांना आपला कार्यकाळ वाढवायचा नाही. नवीन अध्यक्षासाठी निवडणूक घेतली जावी की, निवड केली जावी, यावर बोर्डाने चर्चा केली.
निवडणूक प्रक्रीयेवर सर्वांची सहमती गरजेची
आयसीसी बोर्डाच्या एका सदस्याने म्हटले की, ‘‘मीटिंगमध्ये निवडणुकीबाबत चर्चा झाली. मला विश्यावस आहे की, पुढच्या आठवड्यात नामांकन प्रक्रीया सुरू केली जाईल. सध्या अनेक मुद्द्यांवर सर्वांची सहमती होणे गरजेचे आहे, मला विश्वास आहे की, पुढच्या आठवड्यात होईल.’’
नवीन अध्यक्षासाठी कोलिन ग्रेव्स यांचे नाव सर्वात पुढे
आयसीसीच्या नवीन अध्यक्षासाठी इंग्लंड बोर्डाचे विद्यमान चेअरमन कोलिन ग्रेव्स यांचे नाव सर्वात पुढे आहे. त्यांच्यासोबतच बीसीसीआयचे अध्यक्ष सौरव गांगुली यांच्या नावाचीही चर्चा सुरू आहे. बीसीसीआयने यापूर्वीच स्पष्ट केले आहे की, गांगुली आयसीसी अध्यक्ष पदासाठी अर्ज भरण्याच्या मूडमध्ये आहे. याशिवाय, पाकिस्तान क्रिकेट बोर्डाचे चेअरमन एहसान मनीदेखील अर्ज सादर करू शकतात, पण बीसीसीआय सपोर्ट करणार नाही.
Post a Comment