माय नगर वेब टीम
अहमदनगर - सरकारकडून सिना नदीच्या सुशोभिकरणासाठी मोठा निधी मंजूर करुन आणला होता. परंतु विरोधी उमेदवारांनी हा सीनानदी सुशोभिकरणाचा प्रकल्प बंद करण्याचे काम केले. त्यामुळे तो निधी परत शासनाकडे वर्ग झाला. तसेच तपोवन रोडसाठी मी शासनाकडून 3.5 कोटी रुपये मंजूर केल्यानंतर त्यांनी हाही रस्ता बंद पाडण्याचे काम सुरु केले, परंतू मी या रस्त्यासाठी शासनदरबारी पाठपुरावा करुन रस्त्याचे काम सुरु केले. त्यांनी या रस्त्याच्या कामामध्ये आडकाठी आणली नसती तर तपोवन रस्त्याचे काम पुर्ण झाले असते. प्रत्येक विकासकामांत खोडा घालण्याचे पाप केले. नगर शहरातील प्रत्येक प्रभागासाठी मी सुमारे 50 कामे केली आहे. त्यांनी त्यांच्या 25 वर्षातील 1 तरी विकासकाम दाखवावे असे आव्हान आ.संग्राम जगताप यांनी केले.
सावेडीत आ.संग्राम जगताप यांच्या प्रचारार्थ प्रचार सभेचे आयोजन करण्यात आले होते. त्यावेळी आ.जगताप बोलत होते. यावेळी माजी नगरसेवक निखिल वारे, विनित पाऊलबुधे, संतप बारस्कर, सुनिल त्र्यंबके, संजय बुधवंत, बाळासाहेब भुजबळ, कुमार वाकळे, निवृत्ती आरु आदींसह परिसरातील नागरिक मोठ्या संख्येने उपस्थित होते.
Post a Comment