बॉलिवूड अभिनेत्री रवीना टंडन सध्या मोठ्या पडद्यापासून दूर आहे. पण सोशल मीडिया अकाउंटद्वारे ती आपल्या चाहत्यांसोबत संवाद साधत असते. इन्स्‍टाग्राम अकाउंटद्वारे रवीना टंडन चाहत्यांना त्वचा आणि केसांशी संबंधित नैसर्गिक टीप्स सांगते. काही दिवसांपूर्वी तिनं व्हिडीओद्वारे केसगळती समस्येशी संबंधित माहिती दिली होती. केसगळती होण्यामागील कारणे आणि ही समस्या दूर करण्यासाठी घरगुती - नैसर्गिक उपाय देखील तिनं सांगितलाय.
आपल्यापैकी बहुतांश जण सध्या केसांशी संबंधित समस्येमुळे त्रस्त आहेत. या समस्या दूर करण्यासाठी कित्येक महागड्या उपचारांची मदत घेतली जाते. पण केमिकलयुक्त ट्रीटमेंटमुळे केसांच्या आरोग्यावर वाईट परिणाम होतात, हे लक्षात घ्या. याऐवजी तुम्ही नैसर्गिक उपचारांची मदत घेऊ शकता. रवीनाने सुद्धा चाहत्यांना नैसर्गिक उपचाराची माहिती दिली आहे.
रवीना टंडनने शेअर केल्या ब्युटी टिप्स
सोशल मीडियावर पोस्ट केलेल्या व्हिडीओमध्ये रवीना सांगत आहे की, ‘सध्या बऱ्याच लोकांकडून मी केसगळतीबद्दल तक्रारी ऐकत आहे. यामागील कारणे अनेक असू शकतात. ताण- तणाव, चुकीचं शॅम्पू, पाण्यातील रसायने इत्यादी. केस मजबूत राहण्यासाठी आवळा हा एक उत्तम उपाय आहे. आवळा आपल्या केसांसाठी पोषक आहे. केस पातळ होत असल्यास किंवा गळत असल्यास नियमित काही प्रमाणात आवळ्यांचे सेवन करावे किंवा आवळा टाळूवर लावावा’.
Post a Comment