माय नगर वेब टीम
अहमदनगर - नगर अर्बन मल्टिस्टेट शेड्युल बँकेवर रिझर्व्ह बँकेकडून प्रशासकाची नियुक्ती करण्यात आली आहे. आरबीआयचे निवृत्त अधिकारी सुभाषचंद्र मिश्रा यांनी प्रशासक म्हणून सूत्रे ताब्यात घेतल्याचे सूत्रांकडून सांगण्यात आले.
बँकेचे चेअरमन असलेल्या माजी केंद्रीय मंत्री दिलीप गांधी यांच्यासाठी हा मोठा धक्का मानला जात असून, या कारवाईमुळे नगर जिल्ह्यासह राजकीय व बँकींग वर्तुळात प्रचंड खळबळ उडाली आहे.
दरम्यान, कर्जाची थकबाकी वाढल्याने व एनपीएचे प्रमाण वाढल्याने प्रशासकाची नियुक्ती करण्यात आल्याचे समजते.
याचा बँकेच्या दैनंदीन कामकाजावर परिणाम होणार नसल्याचे चेअरमन दिलीप गांधी यांनी सांगितले.
बँकेचा एनपीए वाढल्याने रिझर्व्ह बँकेने अर्बन बँकेला 27 ऑगस्ट 2018 रोजी नोटीस बजावली होती. त्या नोटीसीला बँकेकडून समाधानकारक उत्तर न मिळाल्याने बँकेवर प्रशासक नेमला असल्याचे बँकेचे माजी संचालक राजेंद्र गांधी यांनी सांगितले.
Post a Comment