नगर मध्ये विवाहितेवर अत्याचार

माय नगर वेब टीम
अहमदनगर  – विवाहित महिलेला लग्नाचे अमिष दाखवत पळवून आणून तिच्यावर नगरमधील तारकपूर येथे अत्याचार करण्यात आल्याचा प्रकार उघडकीस आला आहे. या प्रकरणी पोलिसांनी श्रीगोंदा तालुक्यातील घारगावच्या योगेश शिंदे विरोधात गुन्हा दाखल केला आहे.

पिडित महिला ही सध्या औरंगाबादच्या वाळुंज एमआयडीसी परीसरातील बजाजनगर सिडको येथे वास्तव्यास आहे. योगेश सिद्धेश्वर शिंदे (रा. घारगाव,ता.श्रीगोंदा) असे गुन्हा दाखल झालेल्या आरोपीचे नाव आहे. 2017 ते दि. 20 जुलै 2019 दरम्यान नगरमधील तारकपूर, वाळुंज एमआयडीसी, पुणे जिल्ह्यातील शिरूर, वाघोली या भागात विवाहितेवर अत्याचार करण्यात आल्याचे तक्रारीत म्हटले आहे.

योगेश शिंदे याने पीडित महिलेला लग्नाचे आमिष दाखवून तिचे पतीपासून तिला पळवून आणले. नगरच्या तारकपूर आणि वाळुंज एमआयडीसी येथे तिला भाडोत्री खोली घेऊन दिली. या खोलीत तिच्यावर अत्याचार करण्यात आला. तसेच रांजणगाव, कारेगाव, शिरूर येथील वेगवेगळ्या लॉजवर अत्याचार करण्यात आला. वाघोली येथेही भाडोत्री खोलीत तिच्यावर अत्याचार केल्याचे फिर्यादीत म्हटले आहे. इच्छेविरूद्ध शरीर संबंध करून फसवणूक केली म्हणून पोलिसांनी योगेश शिंदे विरोधात गुन्हा दाखल केला आहे.