रविवार, २९ नोव्हेंबर २०२०. चंद्र मंगळाचे स्वामित्व असलेल्या मेष राशीत विराजमान असेल. दिवसाच्या पहिल्या प्रहरानंतर चंद्र वृषभ राशीत प्रवेश करेल. आज वैकुंठ चतुर्दशी आहे. या दिवशी हरि-हर म्हणजेच श्रीविष्णू आणि महादेव शिवशंकरांची भेट होते, अशी मान्यता आहे. तुमच्यासाठी कसा असेल आजचा दिवस? कोणत्या राशीच्या व्यक्तींना काय लाभ मिळू शकेल? जाणून घेऊया...
आजचे मराठी पंचांग : रविवार, २९ नोव्हेंबर २०२०
मेष : विनाकारण होणाऱ्या खर्चावर ताबा ठेवा. काही संघर्षानंतर समस्येतून बाहेर पडण्याचा मार्ग सापडेल. भाग्याची उत्तम साथ लाभेल. आर्थिक आघाडीवर दिवस अनुकूल राहील. प्रवास संभवतात. एखादी महत्त्वाकांक्षा पूर्णत्वास जाऊ शकेल. प्रयत्नशील राहावे. दिवसाचा उत्तरार्ध चांगला जाऊ शकेल.
वृषभ : दिवस आपल्या मर्जीप्रमाणे घालवाल. कौटुंबिक वातावरण आनंदी आणि उत्साही राहील. मंगलकार्याच्या आयोजनाबाबत चर्चा, विचार-विनिमय होऊ शकेल. केवळ गरजेच्या वस्तू खरेदी करण्यावर भर द्यावा. अनावश्यक खर्च टाळणे हिताचे ठरेल. दिवसाच्या उत्तरार्धात विशेष पाहुण्याचे आगमन होऊ शकेल. मन प्रसन्न राहील.
मिथुन : आजारांना आपणहून बोलावून घेऊ नका. दिवस जलदगतीने व्यतीत होऊ शकेल. प्रगतीचे मार्ग प्रशस्त होतील. यश टिकवून ठेवण्यावर भर द्यावा. अन्यथा आपल्या प्रतिमेला धक्का लागू शकेल. विनाकारण तर्क-वितर्क करू नका. उगाच बढाया मारू नका. केवळ आपल्या कामावर लक्ष केंद्रीत करणे हिताचे ठरेल.
कर्क : घरासाठी चांगली खरेदी कराल. भावंडांची चिंता करण्यात दिवस व्यतीत होईल. कौटुंबिक गोष्टींना प्राधान्य द्यावे. कुटुंबातील सदस्यांचे सहकार्य लाभेल. कार्यक्षेत्रात काही ना काही समस्यांचा सामना करावा लागेल. केवल आपल्या कामावर लक्ष केंद्रीत करून हितकारक ठरेल. दिवसाचा उत्तरार्ध चांगला असेल.
सिंह : आपला अधिकार लोकांच्या पुढ्यात येईल. अनेक दिवसांपासून व्यवसाय, व्यापार नियमित नसल्याने व्यापारी, व्यवसायिकांना चिंता लागून राहील. अस्थिरतेमुळे समस्येत भर पडू शकेल. नोकरी, व्यवसाय, व्यापारात सुधारणा घडवून आणायची असेल, तर आराम आणि आळस झटकून कामाला लागणे हिताचे ठरेल. आपल्या कामावर लक्ष केंद्रीत करून कार्यरत राहावे.
कन्या : नवीन लिखाण वाचन हातून घडेल. राशीस्वामी बुधचा वृश्चिकेत प्रवेश झाला असल्याने काहीशी धावपळ करावी लागेल. आपण घेत असलेल्या मेहनत आणि परिश्रमाचे चीज होऊ शकेल. लाभाच्या संधी उपलब्ध होतील. उत्साहाने कार्यरत राहावे. नोकरदार वर्गाला आजचा दिवस उत्तम असेल.
तुळ : वेळेचा योग्य तो सदुपयोग करा. विनाकारण एखादी चिंता लागून राहील. स्वभाव वृत्तीमुळे काही समस्यांचा सामना करावा लागेल. भविष्याची काळजी सोडून वर्तमानावर भर द्यावा. व्यवसायिकांना हितशत्रूंच्या कारवायांपासून सावध राहावे. साहस आणि बुद्धिकौशल्याच्या आधारावर विरोधकांवर विजय मिळवू शकेल.
वृश्चिक : हातातील कार्य विनाकारण थांबवू नका. अचानक शुभवार्ता मिळू शकेल. कार्यक्षेत्रातील ताणाचा मनावर परिणाम होऊ देऊ नये. नवीन योजना यशस्वीरित्या मार्गी लागू शकतील. जुन्या समस्यांचे निराकरण होऊ शकेल. नकारात्मकता दूर ठेवा. सकारात्मकतेने विचार करा. दिवसाचा उत्तरार्ध अनुकूल राहील.
धनु : दिवसातील बराचसा काळ गूढ विचारात जाईल. नवीन ओळखी लाभदायक ठरतील. जुन्या गुंतवणुकीतून चांगला परतावा मिळण्याची शक्यता. प्रलंबित येणी वसूल होऊ शकतील. दैनंदिन कामात चाल-ढकल करू नका. आत्मविश्वास वृद्धिंगत होईल. व्यवसायातील प्रगतीने मनोबल उंचावेल. दिवसाचा उत्तरार्ध उत्तम असेल.
मकर : दिवस आनंदात घालवाल. मान, सन्मान वाढेल. आध्यात्मिक आवड वाढीस लागेल. खरेदी-विक्री क्षेत्रातील व्यक्तींसाठी लाभदायक दिवस. शुभवार्ता मिळतील. मित्रांसोबत उत्तम वेळ व्यतीत कराल. विनाकारण तर्क-वितर्क करू नका. प्रवासाचे योग संभवतात. दिवसाचा उत्तरार्ध हास्य-विनोदात चांगला जाईल.
कुंभ : फसवणुकीपासून सावधानता बाळगा. अधिकारी वर्गाचा उत्तम पाठिंबा आणि सहकार्य लाभेल. आयात-निर्यात क्षेत्रातील व्यक्तींना महत्त्वाचा निर्णय घ्यावा लागेल. आध्यात्मिक आवड वाढीस लागेल. धार्मिक कार्यात सहभागी होण्याची संधी प्राप्त होऊ शकेल. वेळेचा उत्तम सदुपयोग करावा. भाग्याची चांगली साथ लाभू शकेल.
मीन : जुन्या मित्रांशी-नातेवाईकांशी संवाद घडेल. ज्ञानात भर पडेल. यश व प्रगतीचे मार्ग प्रशस्त होतील. शिक्षण आणि आध्यात्मिक आवड वाढीस लागेल. वादाचे मुद्दे संपुष्टात येऊ शकतील. हितशत्रूंपासून सावध राहावे. कर्जाऊ व्यवहार करू नयेत. गुरुजन आणि पालकांची सेवा करण्
Post a Comment