माय नगर वेब टीम
मुंबई - महाराष्ट्रातील राजकारणाला सर्वांत मोठी कलाटणी मिळाली आहे. देवेंद्र फडणवीस यांनी आज (शनिवार) मुख्यमंत्रिपदाची शपथ घेतली. तर अजित पवार उपमुख्यमंत्रीपदी विराजमान झाले. अजित पवारांच्या या भूमिकेमुळे राष्ट्रवादीच्या कार्यकर्त्यांमधून त्यांच्याविषयी नाराजी व्यक्त करण्यात येत आहे. महाराष्ट्रात घडलेल्या राजकीय भूकंपानंतर उपमुख्यमंत्री अजित पवार यांची विधीमंडळ गटनेते पदावरून हकालपट्टी करण्यात आली.
दरम्यान, अजित पवार यांच्या राजकीय निर्णयाला राष्ट्रवादी काँग्रेस पक्षाचा पाठिंबा नाही. हा त्यांचा वैयक्तिक निर्णय असल्याचे ट्वीट राष्ट्रवादी काँग्रेसचे अध्यक्ष शरद पवार यांनी केले आहे. शरद पवार यांच्या या ट्विटनंतर राष्ट्रवादी काँग्रेसमध्ये फूट पडल्याचे दिसून येत आहे. अजित पवारांनी भाजपला दिलेल्या पाठिंब्यामुळे त्यांची विधीमंडळ गटनेता पदावरून हकालपट्टी करण्यात आली आहे.
Post a Comment