वैभव सूर्यवंशीला डच्चू, अभिषेकसोबत संजू सलामीला; माजी खेळाडूने निवडली टीम इंडियाची मजबूत प्लेईंग ११
माय नगर वेब टीम
India vs West Indies 1st T20I Playing XI Prediction: भारत आणि वेस्ट इंडिज या दोन्ही संघांमध्ये ३ वनडे सामन्यांची मालिका पार पडली. या मालिकेत भारतीय संघाने २-१ ने दमदार विजयाची नोंद केली. मालिकेतील सुरूवातीच्या दोन्ही सामन्यांमध्ये भारतीय संघाने एकतर्फी विजयाची नोंद केली होती. त्यानंतर मालिकेतील तिसऱ्या सामन्यात वेस्ट इंडिजने दमदार पुनरागमन केलं. या मालिकेत वेस्ट इंडिजच्या फलंदाजांनी अपेक्षेहून चांगली कामगिरी केली. आता दोन्ही संघ ५ टी-२० सामन्यांची मालिका खेळण्यासाठी मैदानात उतरणार आहे. मालिकेतील पहिला सामना ६ ऑक्टोबरला खेळवला जाणार आहे. या सामन्यासाठी आकाश चोप्राने भारतीय संघाची प्लेईंग ११ निवडली आहे.
स्टार स्पोर्ट्सवर बोलताना आकाश चोप्राने पहिल्या टी-२० सामन्यासाठी भारतीय संघाची प्लेईंग ११ निवडली आहे. आकाश चोप्राने डावाची सुरूवात करण्यासाठी अभिषेक शर्मा आणि संजू सॅमसनची निवड केली आहे. वैभव सूर्यवंशीचा सध्याचा फॉर्म पाहता, आकाश चोप्राने त्याला प्लेईंग ११ मधून बाहेर ठेवलं आहे. संजू सॅमसनही चांगल्या फॉर्ममध्ये नाही, पण तरीदेखील आकाश चोप्राने त्याला प्लेईंग ११ मध्ये स्थान दिलं आहे.
या सामन्यात तिसऱ्या क्रमांकावर फलंदाजी करण्यासाठी इशान किशनला संधी देण्यात आली आहे. तर चौथ्या स्थानावर फलंदाजी करण्यासाठी त्याने कर्णधार श्रेयस अय्यरला स्थान दिलं आहे. तर आशियाई क्रीडा स्पर्धेतील फायनलमध्ये अर्धशतक झळकावणाऱ्या तिलक वर्माला त्याने पाचव्या स्थानावर ठेवलं आहे. तर अष्टपैलू खेळाडू म्हणून त्याने शिवम दुबेला स्थान दिलं आहे. यासह नितीश कुमार रेड्डीला देखील संघात स्थान दिलं आहे. त्याने फिरकी गोलंदाज म्हणून कुलदीप यादवला प्लेईंग ११ मध्ये स्थान दिलं आहे. यासह वेगवान गोलंदाज म्हणून अर्शदीप सिंग, प्रिन्स यादव आणि मयांक अग्रवालला प्लेईंग ११ मध्ये स्थान दिलं आहे.
अशी आहे भारतीय संघाची संभावित प्लेईंग ११:
अभिषेक शर्मा, संजू सॅमसन, इशान किशन, श्रेयस अय्यर (कर्णधार), तिलक वर्मा, शिवम दुबे, नितीश कुमार रेड्डी, अक्षर पटेल, कुलदीप यादव, अर्शदीप सिंग, प्रिन्स यादव/ मयंक यादव
Post a Comment